وسردت “الرحبي” تفاصيل الحادثة قائلة: “أنا حابي احكي عن شي يحدث مع كل الناس.. القصة أنو تكسي نوع سابه اجت مخالفة وصارت ملاسنة لفظية، بمنطقة المزة عند مطعم الطربوش، مقابل تماماً حاجز طلعة السهني، ونحن بانتظار أحد الأصدقاء لينزل لعنا، تفاجأنا بنزول الشوفير و 3 زعران وبيتفوهوا بأدنى الكلمات السوقية، نحن كنا شب وخمس بنات، وقام أحد الزعران بحط السكين على رقبة الشب اللي معنا”.

وتابعت الممثلة الموالية بقولها: “لمن شفنا السكين اتجهنا باتجاه الحاجز لأنه حامي الحمى، لنحتم فيه، لكن شباب الحاجز نايمين، وفاقوا بعيدن واحد اختفى واللي لابس زي عسكري هرّب ولاد حارتوا اللي هنن الشوفير و3 زعران، والشب اللي معنا قال لعنصر الأمن أنا مخرج بالتلفزيون السوري.. ليرد عليه عنصر الأمن أي روح احسن ما عبيك (أي يعتقله)”.

وحول نشرها هذا الحادث بمواقع التواصل، بررت بأنه كي لا تضيع حادثة الاعتداء: “أنا نزلت الفيديو لان إزا حكيت مع فلان بيقلك أحكي مع فلان وتضيع القصة”.

الجدير بالذكر أن في دمشق تنتشر مجموعات تعرف بالشبيحة يتبعون لمخابرات الأسد، ويقومون بفرض سلتطهم على الأهالي، ويمارسون أعمالاً تشبيحية على المدنيين، وحتى شرطة المرور وداخل الدوائر الحكومية.