ديما ابوديه خلال اعلان لائحة زحلة السيادة: أنا تمرّدت حتّى إثبت شيعيتي اللبنانية
مناشير
خلال اعلان لائحة “زحلة السيادة” المدعومة من حزب القوات اللبنانية، ألقت ديما ابو ديه المرشحة عن المقعد الشيعي في دائرة زحلة الانتخابية كلمة وأكدت فيها، على دور المرأة كأم وكأخت وقالت “مسا الخير لكل سيّدة زحلاوية وبقاعية ولبنانية خايفة على مستقبل أولادها وعم تحلم بوطن تخلّيهن فيه..”
وتوجهت الى البقاعيات وقالت “اليوم، أنا أوّل امرأة بتترشّح عن المقعد الشيعي بالبقاع الأوسط، لكون صوت كل أم وأخت وزوجة بدّا عيلتا تضل مجموعة، لأن ما بدنا نصدّر اولادنا، وبدنا نوقّف نزيف الهجرة البقاعية بخلق فرص جدّيّة بالمنطقة لنثبّت وجودنا بأرضنا، وبعرف إنّو كل صبية وشاب وكل إم وبيّ من كل الطوائف رح يساعدوني اربح التحدي”، وتابعت” أنا تمرّدت وتحدّيت، حتّى إثبت شيعيتي اللبنانية لي بتؤمن بالوطنية مش بالطائفية، لرجّع صورة طائفة كانت رائدة بالانفتاح على الآخر، وبعرف إنّو أهالي بالبقاع رح يساعدوني اربح التحدي”.
وتابعت” ما تردّونا بقى على هالخلل الرهيب بالميزان الوطني، كفى طعناً بكيان الدولة ومؤسساتها، كفى انهيار لهيبة الدولة واقتصادها، كفى تهميش لمعانات شعبنا، كفى تشويه بمعالم لبنان الرسالة!! نحن اليوم على مفترق طرق خطير ولازم ناخد القرار الصحيح”.
