ايلي ماروني يشن هجوماً على النواب والوزراء ويدعو الناس للتحرك !
مناشير
على وطأة الارتفاع الجنوني لسعر الصرف شن النائب السابق ايلي ماروني هجوماً عنيفاً على النواب والوزراء والروؤساء ودعا المواطنين النزول الى الشارع.
وبعدين ، كيف بنكمل ، ما بدن ينتخبوا رئيس للجمهورية لتتشكل حكومة وتبني المؤسسات بركي بصير عنا وطن بيحمينا …. الليرة عم تنهار والدولار عم بطير والجوع بلش يضرب الكل .. البنزين رح يصير بمليونين ومتلو المازوت والناس عم ترجف من البرد والدوا ء إذا لقيناه بعجيبة أسعارو عم تطير وما عاد حدا عم يقدر يشتري الدوا والموت صار عالبواب….
واضاف ماروني”ما حدا في يفوت عالمستشفيات إلا القلة القليلة يللي عم تنهب الأكثرية الصامتة الساكتة عن نهبها وجلدها وسرقتها… بربكم لي ساكتين وشو ناطرين علبة اللبنة ب٣٠٠ ألف والفواكه صاروا صورة من ذكريات الماضي”.. وسأل “طيب وين يللي مسميين حالهم رؤوسا ووزرا ونواب وأحزاب موالاة ومعارضة يعني جماعة كتيري الحكي ما بينفعوا لشي إلا للضرر والبحث عن شعارات الشعبوية الكذابة…. شو ناطرين سرقوكم ونهبوكم وحجزوا أموالكم. والأبشع والأوقح إنو المصارف بعد ما سرقونا مسكرين والمصيبة انو ما في قضاء يلمون ويرميهم بالسجون ..لك شو ناطرين ساكتين خانعين … بتركيا وسوريا يللي ماتوا بالزلزال. ارتاحوا بس زلزالنا ما رح يخلص إلا لما يوعى الشعب النايم …. لك شو ناطرين؟.
