إعــــــلان 
محمد شفيق حمود: هل بعد بدّن يفرضوا ضريبة ع الموتى؟
كتب السيد محمد شفيق حمود منتقدًا القرارات الضريبية الأخيرة، متسائلًا بلهجة حادّة: “هل بعد بدّن يفرضوا ضريبة ع الموتى؟”.وقال إنّه “على أبواب الصيام، والناس بالكاد قادرة تؤمّن أكلها وبنزينها، تطلّ السلطة بزيادة TVA ورفع سعر صفيحة البنزين. بدل ما يلاحقوا الهدر والسرقات والأملاك البحرية المنهوبة، قرروا يمدّوا إيدهم على جيبة الفقير”.
وأضاف أنّ تحسين رواتب القطاع العام حقّ مشروع، “بس مش على حساب الناس يلي تعبت وانكسرت”، معتبرًا أنّ الضرائب قد لا تميّز بين غني وفقير، “بس وجعها بيوصل أسرع للي ما معه”.
وختم بالقول: “الناس ما بدها شعارات، بدها عدالة. بلّشوا بالكبار قبل ما تحاسبوا الصغار… لأنّه ما عاد في شي ينشفط من هالجيب”.
