حلبلب : “لأهلي في البقاع لازم الكل يصوت لنعمل فرق”
مناشير
توجه المرشح عن المقعد السني في دائرة زحلة الانتخابية على لائحة ” سياديون مستقلون” الدكتور عمر حلبلب كلمة من القلب إلى أهله في دائرة زحلة الانتخابية مؤكدا بأن التغيير الحقيقي يكون بالتصويت لصالح لائحة سياديون مستقلون التي ينتمي اليها.
وقال حلبلب : اليوم آخر نهار قادر اتوجه لكل شب و صبية، لكل أب، و أم، لكل عامل، لكل موظفة، للخريجات و الخريجين، لكل شخص قاعد محبط من الوضع، لكل مسؤول عن أسرة، لكل معيل و معيلة، نعم، لكم جميعا يا بقاعيين و بقاعيات لبنان.
أضاف حلبلب : الأحد في فرصة كرمال نقول للكل، في ناس بتمثلنا بالشكل الصحيح، في ناس مستقلة قادرة تحكي باسمنا بالمجلس، قادرة تكون العين الساهرة على كل قانون و خطة عمل، و انتو بحاجة للشخص يلي قادر يفرّق بين الصح و بين الخطأ، بين حق الشعب و واجبات النائب.
وتابع حلبلب : نهار الأحد، كل شخص على لوائح الشطب، ما يضل ببيتو، خلي كل واحد يحط قدامو سبب، و هدف و ينزل يصوت للمرشح يلي حيساعدكم توصلوا لهدفكم، للمشروع و البرنامج، للفِكر يلي هو السبب حتى تنزلوا.
وختم حلبلب : نهار الاحد مسؤولية الجميع حتى تعملوا فرق، حتى يكون ضميركم مرتاح للأربع سنين القادمين، صار فينا نقول منصوّت لمين ما بدنا، و اذا ما عجبنا، حنغيرو بعد أربع سنين، ما في عرُف و ما في قاعدة ما بتنكسر، هيدا هو التغيير الصحيح بعيداً عن كل الشعارات و الوعود و الإشاعات المغرضة، فكروا بالمنطق و اختاروا تكونوا سياديين مستقلين.
